Rayon Sports yamaze gusinyisha Lahssaine Ayoub nk’intizanyo, akomoka muri Maroc aho yakiniraga ikipe ya Raja Casablanca.
Uyu mukinnyi w’imyaka 21 akaba akina mu kibuga hagati, ni umukinnyi wakuriye mu bato b’iyi kipe.
Rayon Sports ibinyujije ku rukuta rwayo rwa Twitter, yatangaje ko uyu mukinnyi azaba ari umukinnyi wayo mu mwaka utaha w’imikino.
Ibi bikaba ari bimwe mu bikubiye mu masezerano y’ubufatanye Rayon Sports yasinyanye na Raja Casablanca muri Nyakanga 2021.
Rayon Sports ikaba ikomeje kwiyubaka yitegura umwaka w’imikino utaha, uretse uyu mukinnyi iyi kipe ikaba ifite umubare mwinshi w’abakinnyi bari mu igeragezwa.
