Advertisements

Byari ibyishimo ku bakunzi b’ikipe ya APR FC bibumbiye mu itsinda ry’Intare za APR FC ubwo basezeraga ku muyobozi wabo wanashinze iri tsinda ry’abafana, Uwase Claudio ugiye kwerekeza muri Maroc agasangayo umugabo we, Imanishimwe Emmanuel Mangwende ukinira ikipe ya FAR Rabat.

Ni igikorwa cyaraye kibaye kuri uyu wa Gatatu tariki ya 17 Ugushyingo kibera ku Mumena aho Mangwende yari atuye n’umuryango.

Muri byinshi byagiye bigarukwaho ni uko n’ubwo bamusezeye atavuye muri uyu muryango azakomeza kubana nabo n’ubwo azaba atari mu Rwanda, hakaba hahise hashyirwaho umuyobozi uzasigarana izishingano ari we Aimable Busabimana wari usanzwe ari visi perezida.

Aimable yavuze ko ari igikorwa bateguye kugira ngo bamwereke agaciro bamuha nk’umuryango we wa kabiri w’Intare za APR FC, bamushimire ubwutange yagaragaraje kugira utere imbere. Gusigarana inshingano ngo ntabwo bizamugora kuko n’ubundi na Claudio azababa hafi.

Ati “Ku bwanjye ndabyishimiye kuko ni iterambera kuri we n’umuryango we. Ni gikorwa gisobanuye urukundo tumukunda, gisobanuye ubwitange na we yagize kugira ngo umuryango w’Intare utere imbere, mu by’ukuri twakabaye dukora ibirenze ibi, ibirenze urukundo yatugaragarije. Twari dusanzwe dukorana, nari mwungirije twafatanyaga, ntabwo uburyo ki byubatse ntabwo agiye kure azakomeza kubana natwe, azakomeza kuduha ibitekerezo, azakomeza kuduha ibitekerezo aho agiye muri Maroc.”

Umufana wa APR FC by’umwihariko akaba inshuti y’akadasohoka ya Claudio, Ikirezi Emmanuella uzwi nka Nana, avuga ko byari bigoye kumusezera ariko na none ari ubuzima bagomba kumureka akajya guhaha kuko ni akazi.

Ati “Ni igikorwa kigoye, nkanjye yari insuti y’umwihariko, nkeka ko ukuyemo umuryango we ni njye ukurikira, twari inshuti tubanye imyaka 6, muri iyo myaka 6 navuga ko twabanye amahoro, tubana neza, nisanze mu muryango we yisanga mu wanjye, ni ibintu biba bigoye cyane kumva ko umuntu mubanye muri iyi myaka 6 mubana kenshi, mwirirwana, muvugana, ni imikino myinshi njye na we twagiye dukorana turi babiri, ni umuntu byari bigoye navuga ngo reka murekure agende ariko na none ni umuryango we agomba kuwusanga.”

Uwase Claudio avuga ko impamvu agiye kujya muri Maroc ni mu rwego rwo kwegera umugabo we kugira ngo akore akazi neza yishimye, yashimiye Intare za APR FC kuba zaje kumusezera kuko ngo n’ubundi ni umuryango we.

Ati “Ni umuryango umpora hafi nanjye nkawuhora hafi. Ni ku mpamvu z’akazi katari akanjye, ni umugabo wanjye, ngiye kwerekeza mu gihugu cya Maroc iyo akazi agakora wenyine ntabwo agakora neza. Ubusanzwe Intare za APR FC zirenze kuba itsinda ry’abafana, mu byiza n’ibibi bakuba hafi, wenda kuba baje kunsezera byo biruseho, ni ibyishimo kuri njyewe kuko ni umuryango umpora hafi, iyo bataza nibwo byari kuba ikibazo.”

Uwase Claudio byari biteganyijwe ko agomba gusubirana nayo na Mangwende wari waje mu ikipe y’igihugu ariko bitewe n’imvune yagiriye ku mukino wa Mali, ikipe ye yahise imusaba kugaruka akitabwaho ari muri Maroc.

Biteganyijwe ko Uwase Claudio ahaguruka mu Rwanda ku mugoroba wo kuri uyu wa Kane tariki ya 18 Ugushyingo 2021 saa 17h, aho ari bunyure muri Qatar akobona kujya muri Maroc.Byari ibyishimo n’ubusabane basezera kuri ClaudioClaudio na Aimable ugiye gusigarana inshingano zo kuyobora Intare za APR FC, aha bari kumwe n’imfura ya Mangwende na ClaudioMama wa Claudio yari yaje gusezera ku mukobwa we, wabonaga yishimyeAbafana ba APR FC bo mu Ntare za APR FC bari baje ari benshiByari ibyishimo bikomeye